Баршаңызға белгілі биыл елдің мемлекет құру жолындағы тарихи қадамының символы болған  Республика күніне ұлттық мереке мәртебесі қайтарылып берілді.

Енді қазанның жиырма бесі күні жыл сайын еліміздің басты мерекесі ретінде атап өтілетін болды. 

Осы орайда орталық кітапханада Республика күніне арналған «25 қазан - Республика күні» атты дөңгелек үстел болып өтті. Шараға аудандық аурухана, полиция, төтенше жағдайлар, архив бөлімдерінің қызметкерлері сонымен қаар №1 жалпы білім беретін мектебінің ұстаздары мен оқушылары және «ішкі саясат, мәдениет, тілдерді дамыту және спорт» бөлімінің басшысы Дархан Тапалов қатыста. 

Шараны Дархан Берікұлы алғы сөзбен ашып, қатысушыларды мерекемен құттықтады. Шара барысында сөз алғандар мен шақырылған қонақтар өз ойларымен бөлісіп, Қазақстанның тарихына құрылған тест сұрақтарына жауап берді.

Шара соңында №1 жалпы орта білім беретін мектептің оқушылары Жанибек Жанболат пен Елубай Анель өлеңдер оқыса, қазақтың қасиетті қара домбырасының құлағында ойнаған Серікбай Манас, Айтбай Нұртас және Нұрдәулет Ерболдар «Келіншек» күйін орындап берді.

Біз де өз кезегінде барша Егіндікөлдіктерді Республика күні мерекесімен құттықтаймыз. Мереке құтты болсын!